1. Le ALI‘I e, lo matou Ali‘i,e silisili lava lou suafa i le lalolagi uma lava;o oe lava ‘ua e fa‘asilisili lou vi‘iga i le lagi.
2. ‘Ua e fa‘atumauina le vi‘iga i gutu o tama meamea ma tama fesusui,‘ona o ē fa‘asauā ‘iā te oe,‘ina ‘ia fa‘anofosa‘oina lē ‘ua ita ma lē ‘ua taui ma sui.
3. A ‘ou va‘ai atu i lou lagi, o le galuega a ou tamatama‘i lima,o le masina ‘atoa ma fetū na e faia;
4. se a ‘ea le tagata ‘e te manatu mai ai ‘iā te ia;ma le atali‘i o le tagata ‘e te asiasi mai ai ‘iā te ia?
5. Auā ‘ua e fa‘amaulalo ane teisi o ia i agelu;‘ua e fa‘apaleina fo‘i o ia i le mamalu ma le matagofie.
6. ‘Ua e foa‘iina ‘iā te ia le pule i galuega a ou ‘a‘ao;‘ua e tu‘uina mea uma i lalo o ona vae;
7. o lafu mamoe ma povi uma lava,‘atoa ma manu vaefā o le vao;
8. o manu felelei, ma i‘a o le sami,‘ua tata‘a i ala o le sami.
9. Le ALI‘I e, lo matou Ali‘i,e silisili lava lou suafa i le lalolagi uma lava.