1. E moni ‘ea ‘ua lē tautala le amiotonu?‘Inā tautala mai ia ‘outou.‘Outou le fānau a tagata,‘ia ‘outou fa‘amasino ma le sa‘o.
2. E moni, ‘ua ‘outou galulue ma le loto i mea leaga;‘ua ‘outou fuatia atu le sauāga,a o ‘outou lima i le nu‘u.
3. ‘Ua liliu ‘ese o ē amio leaga talu ‘ina fānau mai;talu ‘ina fānau mai ‘ua sesē i latou, ‘ua tala pepelo.
4. O ‘iā te i latou mea ‘o‘ona e tusa ma le mea ‘o‘ona i le gata;e pei o le asipi tutuli ‘ua ia punitia ona taliga.
5. O lē na te lē fa‘alogoina atu le leo o ē taufa‘aoleole gata,o lo‘o fa‘aoleole i le taufa‘aoleolega poto.
6. Le Atua e,‘ia e gauia o latou nifo i o latou gutu.Le ALI‘I e,‘ia e tu‘imomomoina gao o leona ta‘anoa.
7. ‘Ia liu suāvai i latou, ‘ia pei o le vai ‘ona mavae atu;a lolo‘u le ‘aufana e fana atu i ana ū,‘ia peiseaī ‘ua vavae‘eseina ia.
8. E pei o le sisi vao ona liu suāvai ‘ia mavae atu o ia;e pei o le fānau lē āu a le fafine,‘aua ne‘i latou iloa le lā.
9. A o le‘i lagona a ‘outou ‘ulo le afi la‘au tuitui,pe mata pe mū, na te fa‘alelea‘eseina i latou i le afā.
10. E fiafia lē ‘ua amiotonu pe a iloa e ia le taui;e mulumulu ona vae i le toto o lē ‘ua amio leaga.
11. ‘Ona fa‘apea ane ai lea o tagata,“E moni, ‘ua fai le taui mo lē ‘ua amiotonu;e moni, o le Atua o le fa‘amasino o ia i le lalolagi.”