13. Lingcwaba elivulekileyo umqala wabo,Ngeelwimi zabo bamana ukukhohlisa.(INdum. 5:9)Ubuhlungu bamaphimpi buphantsi kwemilebe yomlomo wabo.(INdum. 140:3)
14. Abamlomo uzele kukuqalekisa nobukrakra.(INdum. 10:7)
15. Iinyawo zabo zinamendu okuphalaza igazi;
16. Lityumtyum neentsizi ezindleleni zabo;
17. Nendlela yoxolo abayazanga.(UIsaya 59:7,8)
18. Akukho koyika Thixo phambi kwamehlo abo.(INdum. 36:1)
19. Siyazi ke ukuba izinto zonke ozithethayo umthetho, uzithetha kwabaphantsi komthetho; ukuze imilomo yonke ivingcwe, nehlabathi lonke libe netyala kuThixo.
20. Ngokokuba, ngokwasemisebenzini yomthetho, akuyi kugwetyelwa nyama emehlweni akhe; kuba isono saziwe ngokubakho komthetho.
21. Ngoku ke kubonakaliswe ubulungisa bukaThixo, kungekho mthetho, bungqinelwa nguwo umthetho nabaprofeti;