8. کیا تُو نوآمُون سے بِہتر ہے جو نہروں کے درمِیان بسا تھا اور پانی اُس کی چاروں طرف تھا جِس کی شہر پناہ دریایِ نِیل تھا اور جِس کی فصِیل پانی تھا؟۔
9. کُوش اور مِصر اُس کی بے اِنتہا توانائی تھے ۔ فوُط اور لُوبِیم اُس کے حِمایتی تھے۔
10. تَو بھی وہ جلاوطن اور اسِیرہُؤا ۔ اُس کے بچّے سب کُوچوں میں پٹک دِئے گئے اور اُن کے شُرفا پر قُرعہ ڈالا گیا اور اُس کے سب بُزرگ زنجِیروں سے جکڑے گئے۔
11. تُو بھی مَست ہو کر اپنے آپ کو چُھپائے گا اور دُشمن کے سامنے سے پناہ ڈُھونڈے گا۔
12. تیرے سب قلعے انجِیر کے درخت کی مانِند ہیں جِس پرپہلے پکّے پَھل لگے ہوں جِس کو اگر کوئی ہِلائے تو وہ کھانے والے کے مُنہ میں گِر پڑیں۔
13. دیکھ تیرے اندر تیرے مَرد عَورتیں بن گئے ۔تیری مملکت کے پھاٹک تیرے دُشمنوں کے سامنے کُھلے ہیں ۔ آگ تیرے اڑبنگوں کو کھا گئی۔
14. تُو اپنے مُحاصرہ کے وقت کے لِئے پانی بھر لے اور اپنے قلعوں کو مضبُوط کر ۔ گڑھے میں اُتر کر مِٹّی تیّار کر اور اِینٹ کا سانچہ ہاتھ میں لے۔
15. وہاں آگ تُجھے کھا جائے گی ۔ تلوار تُجھے کاٹ ڈالے گی ۔ وہ ٹِڈّی کی طرح تُجھے چٹ کر جائے گی اگرچہ تُو اپنے آپ کو چٹ کر جانے والی ٹِڈِّیوں کی مانِند فراوان کرےاور فَوجِ ملخ کی مانِند بے شُمار ہو جائے۔
16. تُو نے اپنے سَوداگروں کو آسمان کے سِتاروں سے زِیادہ فراوان کِیا۔ چٹ کر جانے والی ٹِڈّی خراب کر کے اُڑ جاتی ہے۔