12. Wana wa Israeli wakasafiri kwenda mbele, kwa safari zao kutoka jangwa la Sinai; na hilo wingu likakaa katika jangwa la Parani.
13. Nao wakasafiri kwanza kwa amri ya BWANA kwa mkono wa Musa.
14. Mahali pa mbele ilisafiri beramu ya marago ya wana wa Yuda, kwa majeshi yao; na Nashoni mwana wa Aminadabu ndiye aliyekuwa juu ya jeshi lake.
15. Na juu ya jeshi la kabila ya wana wa Isakari alikuwa Nethaneli mwana wa Suari.
16. Na juu ya jeshi la kabila ya wana wa Zabuloni ni Eliabu mwana wa Heloni.