1. Samueri akati akwegura, akagadza vanakomana vake kuti vave vatongi veIsraeri.
2. Zita redangwe rake rainzi Joere uye zita rowechipiri rainzi Abhia, uye vaishanda vari paBheerishebha.
3. Asi vanakomana vake vakatsaukira kupfuma yakaipa, vakatambira fufuro, vakasaruramisira pakutonga.
4. Saka vakuru vose veIsraeri vakaungana pamwe chete vakauya kuna Samueri paRama.
5. Vakati kwaari, “Makwegura, uye vana venyu havafambi munzira dzenyu; naizvozvo gadzai mambo kuti atitungamirire, sezvakaita mamwe marudzi ose.”