1. “Geagte broers en vaders, luister na my verdediging teenoor julle oor hierdie saak.”
2. Toe hulle hoor dat hy hulle in Aramees toespreek, het hulle nog stiller geword.
3. Hy gaan toe voort: “Ek is ’n Jood wat in Tarsus in Silisië gebore is, en hier in Jerusalem het ek grootgeword en my opvoeding by Gamaliël gekry. Aan sy voete het ek geleer om ons Joodse wet streng na te kom. Ek het ’n kampvegter vir God geword, net soos julle almal vandag is.
4. Ek het jag gemaak op “Die Pad” tot die dood toe. Mans én vroue het ek gearresteer en in tronke laat stop.