19. Hy het my in die modder gegooi. Ek was van kop tot tone vol modder en as.”
20. Job het vir die Here gesê: “Here, ek roep na U dat U my moet help, maar U wil nie luister nie. Ek staan voor U, maar U steur U nie aan my nie.
21. U is eintlik baie wreed met my. U val my met mening aan.
22. U laat die wind my optel en die storm my ruk en pluk.
23. Ek weet U wil hê ek moet doodgaan. Dit is tog waarheen alle mense op pad is.
24. “’n Mens sal mos nie die rug draai vir iemand wat in die nood is en om hulp roep nie.
25. Ek het mos gehuil oor mense wat deur swaar tye gegaan het. Ek was ook baie ontsteld omdat die arm mense so swaarkry.