1. Later was daar weer ’n Joodse fees, en Jesus het na Jerusalem gegaan.
2. By die Skaap-poort in Jerusalem was daar ’n dam. Die Hebreeuse naam van die dam was Betesda.
3. By die dam was vyf gange met pilare. Daar het baie siek mense gelê. Hulle was blind of verlam of kreupel.
5. Daar het ’n man gelê wat 38 jaar lank siek was.
6. Jesus het die man daar sien lê en Hy het geweet dat die man baie lank siek was. Toe vra Jesus vir hom: “Wil jy gesond word?”
7. Die siek man het vir Jesus gesê: “Meneer, ek het niemand om my in die dam te sit wanneer die water begin beweeg nie. Elke maal wanneer ek probeer om in die water te kom, gaan iemand anders voor my in die water.”
8. Jesus sê toe vir hom: “Staan op, neem jou slaapmat en loop!”
9. Die man het dadelik gesond geword. Hy het sy slaapmat geneem en begin loop.Dit het op ’n Sabbatdag gebeur.
10. Die Jode sê toe vir die man wat gesond geword het: “Dit is ’n Sabbatdag. Jy mag nie jou slaapmat op die Sabbatdag dra nie!”
11. Die man het vir die Jode gesê: “Die man wat my gesond gemaak het, het gesê ek moet my slaapmat neem en loop.”
12. Die Jode het vir hom gevra: “Wie is die man wat vir jou gesê het jy moet jou slaapmat neem en loop?”
13. Die man wat gesond geword het, het nie geweet wie dit was wat hom gesond gemaak het nie. Jesus was ook nie meer daar nie. Hy het weggegaan omdat daar so baie mense was.
14. Later het Jesus die man in die tempel gekry. Jesus het vir hom gesê: “Jy is nou gesond. Jy moenie weer sonde doen nie, want dan sal iets met jou gebeur wat slegter is as die siekte wat jy gehad het.”
15. Toe gaan sê die man vir die Jode dit is Jesus wat hom gesond gemaak het.
16. Die Jode het begin om slegte dinge te doen aan Jesus omdat Hy die man op ’n Sabbatdag gesond gemaak het.
17. Jesus het vir hulle gesê: “My Vader werk nog altyd, ook op die Sabbatdag. Daarom doen Ek dit ook.”