2 Samuel 8:10-13 Bybel vir Almal (ABA)

10. Daarom het Toï sy seun Joram gestuur om koning Dawid te groet en om hom geluk te wens omdat hy oorlog gemaak het teen Hadad-Eser en hom oorwin het. Daar was voorheen baie maal oorlog tussen Toï en Hadad-Eser. Toï het vir Joram presente gegee om saam te neem vir Dawid, silwer, goud en brons.

11. Koning Dawid het hierdie presente ook aan die Here gewy. Dawid het voorheen ook die silwer en die goud gewy wat hy gevat het van die ander volke wat hy oorwin het.

12. Dit was die silwer en goud van die Arameërs en Moabiete en Ammoniete en Filistyne en Amalekiete, en ook die goed wat hy gevat het van Hadad-Eser seun van Regob koning van Soba.

13. Dawid het beroemd geword toe hy 18 000 Edomiete in die Sout-vallei oorwin het. Hy het hulle oorwin nadat hy die Arameërs oorwin het.

2 Samuel 8