22. Jy wat sê dat ’n mens nie owerspel mag pleeg nie, pleeg jy owerspel? Jy wat ’n afsku van die afgode het, pleeg jy tempelroof?
23. Jy wat jou op die wet beroem, onteer jy God deur die oortreding van die wet?
24. Want, soos geskrywe is, die Naam van God word om julle ontwil onder die heidene gelaster.
25. Want die besnydenis is wel nuttig as jy die wet onderhou; maar as jy ’n oortreder van die wet is, het jou besnydenis onbesnedenheid geword.