1. VLUG, kinders van Benjamin, uit Jerusalem uit; en blaas die basuin in Tekóa, en hef ’n vuurteken op bo Bet-Hakkérem; want onheil dreig uit die Noorde en groot verwoesting.
2. Die mooie en die verwénde verdelg Ek — die dogter van Sion.
3. Herders met hulle troppe vee sal na haar toe kom; hulle slaan tente op teen haar rondom, hulle wei af, elkeen sover as hy kan bykom.
4. Heilig die oorlog teen haar! Staan op, en laat ons optrek op die middag! Wee ons, want die dag gaan verby, want die aandskaduwees word langer!
5. Staan op, en laat ons optrek in die nag, en laat ons haar paleise verwoes!