30. Ilẹ wọn mu ọ̀pọlọ jade wá li ọ̀pọlọpọ, ni iyẹwu awọn ọba wọn.
31. O sọ̀rọ, oniruru eṣinṣin si de, ati ina-aṣọ ni gbogbo agbegbe wọn.
32. O fi yinyin fun wọn fun òjo, ati ọwọ iná ni ilẹ wọn.
33. O si lu àjara wọn, ati igi ọ̀pọtọ wọn; o si dá igi àgbegbe wọn.
34. O sọ̀rọ, eṣú si de ati kokoro li ainiye.
35. Nwọn si jẹ gbogbo ewebẹ ilẹ wọn, nwọn si jẹ eso ilẹ wọn run.
36. O kọlu gbogbo akọbi pẹlu ni ilẹ wọn, ãyo gbogbo ipa wọn.
37. O si mu wọn jade, ti awọn ti fadaka ati wura: kò si si alailera kan ninu ẹ̀ya rẹ̀.
38. Inu Egipti dùn nigbati nwọn lọ: nitoriti ẹ̀ru wọn bà wọn.
39. O nà awọsanma kan fun ibori; ati iná lati fun wọn ni imọlẹ li oru.
40. Nwọn bère o si mu ẹiyẹ aparo wá, o si fi onjẹ ọrun tẹ wọn lọrun.