1. Ndizímela ngawe, Yehova, mandingazendidaniswe;Ndísize ngobulungisa bakho.
2. Ndíthobele indlebe yakho, ungxame undihlangule;Yiba liliwa eliligwiba kum,Indlu yemboniselo yokundisindisa.
3. Ngokuba ingxondorha yam nemboniselo yam nguwe;Ngenxa yegama lakho ùya kundikhapha undithundeze.
4. Ùya kundirhola esibatheni ababesigqumele mna,Ngokuba ùyinqaba yam.
5. Ndiwuyaleza umoya wam esandleni sakho;Ùyandikhulula, Yehova, Thixo wenyaniso.
6. Ndibathiyile abagcine amampunge angento yanto.Ndikholose ngoYehova mna.
7. Ndiya kugcoba ndivuye ngenceba yakho,Ngenxa enokuba uzibonile iintsizi zam,Wazazi iingxingongo zomphefumlo wam;
8. Akwandivingcela ngesandla seentshaba,Wazimisa endaweni ebanzi iinyawo zam.
9. Ndíbabale, Yehova, ngokuba ndibandezelekile;Lonakele kukukhathazeka iliso lam, nomphefumlo wam, nesisu sam;
10. Ngokuba buphelile sisingqala ubomi bam,Neminyaka yam kukuncwina;Ayagexa amandla am ngobugwenxa bam,Namathambo am aluphele.
11. Ngenxa yababandezeli bam bonke ndaba sisingcikivo,Ngokukodwa kubamelwane bam; ndaba yinto yokunkwantyisa kwabandaziyo;Abandibonayo ngaphandle baya ndibaleka.
12. Ndilityelwe njengomfi ongasakhunjulwayo;Ndinjengesitya esiza kulahlwa.
13. Ngokuba ndive intlebendwane yabaninzi,Ukunxunguphala ngeenxa zonke.Ekugquguleni kwabo ngam,Bankqangiyela ukuthabatha umphefumlo wam.
14. Ke mna ndikholosé ngawe, Yehova; Ndithi, ÙnguThixo wam wena.
15. Asesandleni sakho amaxesha am;Ndíhlangule esandleni seentshaba zam nakwabandisukelayo.