Igenesis 25:29-34 Izibhalo Ezingcwele (XHO75)

29. UYakobi wayepheke ukudla; wafika uEsawu evela ezindle, etyhafile.

30. Wathi uEsawu kuYakobi, Khawundiphe ndiginye kwinto engqombela, loo nto ingqombela, kuba ndityhafile; ngenxa yoko kwathiwa igama lakhe nguEdom.*

31. Wathi uYakobi, Thengisa namhlanje ngobuzibulo bakho kum.

32. Wathi uEsawu, Yabona, ndiza kufa; buyintoni na kum ubuzibulo?

33. Wathi uYakobi, Ndífungele namhlanje. Wamfungela; wathengisa ke ngobuzibulo bakhe kuYakobi.

34. UYakobi wamnika uEsawu isonka neentlumayo eziphekiweyo; wadla, wasela, wesuka wemka; wabudela ke uEsawu ubuzibulo bakhe.