7. Na see hase sona seo Morena a neng a se bolele ka baporofeta ba boholoholo, mehleng ya ha Jerusalema e sa na le baahi, mme e atetswe ke nala, yona le metse e e potapotileng, le naha e ka Borwa le e diphuleng?> ”
8. Morena wa mabotho a boela a bua ho Sakariya, a re:
9. “Morena wa mabotho o bua tjena: <Ahlolelanang ka toka, le be mosa, mme le utlwelane bohloko.
10. Le se ke la hatella mohlolohadi, leha e le kgutsana, moditjhaba kapa mofutsana. Motho a se ke a rerela ngwanabo bokgopo.>
11. “Empa setjhaba se ile sa hana ho mmamela; sa eba manganga; sa ithiba ditsebe.