3. Ako mpeele selebeletso bakeng sa ka; hobane ke mang ya ka nkemelang a ntshwere ka letsoho?
4. Hobane dipelo tsa bona o di kwaletse kutlwisiso; ka baka leo, o ke se ke wa ba phahamisa.
5. Ya ekang motswalle wa hae, mahlo a bana ba hae o tla a bona a timilwe.
6. O mpeile sesomo hara batho; ke fetohile ntho e nyatsehang pela bona.
7. Dillo di thibile mahlo a ka, ditho tsohle tsa ka ke seriti feela.
8. Ba lokileng ba maketse ke hoo, ba se nang molato ba halefela ba bolotsana.
9. Leha ho le jwalo, ya lokileng o tiisetsa tseleng ya hae, ya nang le matsoho a masweu o eketsa ho ipha matla.
10. Haele ka lona kaofela, kgutlang hle, le boye; nke ke ka bona motho ya hlalefileng hara lona.
11. Matsatsi a ka a fetile, merero ya ka eo ke e hopotseng pelong ya ka, merero ya ka e wele fatshe.