3. Bo romile makgabunyane a jona ho mema, le bona bo eme mahareng a motse, bo a tlerola, bo re:
4. He! ya sethoto ke mang? a fapohele kwano!
5. Le ho ba hlokang kelello bo re: Tloong, le je bohobe ba ka, le nwe le veine eo ke e tswakileng.
6. Le hlobohe bothoto, mme le tla phela, le tsamaye tseleng ya hlalefo.
7. Ya layang mosomi o ipatlela sekgobo, ya kgalemelang e mobe le yena o ya hlomphollwa.
8. O se ke wa laya mosomi, esere mohlomong a o hloya; o laye mohlalefi, yena o tla o rata.
9. Ruta ya nang le kelello, o tla eketsa ho hlalefa. O rute ya lokileng, o tla ekelletswa tsebo.
10. Qalo ya bohlale ke ho tshaba Jehova; ho tseba Ya halalelang ke hlalefo.