6. Небесата ја објавуваат Неговата праведност: Тој е Бог Судија!
7. „Слушај народе мој, Јас ќе зборувам, о Израеле, ќе сведочам против тебе: Јас, Бог - твојот Бог!
8. Не те корам заради твоите жртви - твоите паленици се секогаш пред Мене.
9. Не ќе земам јунец од твојот дом, ни јарци од твоите трла:
10. зашто се Мои сите горски животни, илјади ѕверови по Моите ридишта.
11. Ги знам сите горски птици, Мое е сè што се движи по полињата.
12. Кога би огладнел не би ти рекол, зашто моја е земјата и сè што ја исполнува.
13. Зар јас да јадам биковско месо, или да пијам јаречка крв?