1. Salamo nataon'i Davida, fony izy nandositra an'i Absaloma zanany. Jehovah ô, akory izato hamaroan'ny mampahory ahy! Maro no mitsangana hanohitra ahy.
2. Maro no milaza ny fanahiko hoe: tsy manam-pamonjena amin'Andriamanitra izy.
3. Kanjo Hianao, Jehovah ô, no ampinga manodidina ahy, Voninahitro sy mpanandratra ny lohako.
4. Amin'ny feoko no iantsoako an'i Jehovah, ary any an-tendrombohiny masina no mamaly ahy Izy.
5. Izaho nandry ka natory; nifoha aho, satria Jehovah no manohana ahy.