19. ព្រះបន្ទូលនៃព្រះយេហូវ៉ាបានល្បងលគាត់ដរាបដល់កំណត់ដែលពាក្យគាត់បានសំរេច
20. ទើបស្តេចបានចាត់គេទៅដោះលែងគាត់ចេញគឺជាអ្នកដែលគ្រប់គ្រងលើសាសន៍ផ្សេងៗបានស្រាយគាត់ឲ្យរួច
21. ក៏បានតាំងគាត់ឡើង ឲ្យធ្វើជាម្ចាស់លើដំណាក់ហើយជាអ្នកគ្រប់គ្រងលើព្រះរាជទ្រព្យទាំងអស់
22. ឲ្យមានអំណាចនឹងចាប់ចងពួកវង្សនៃស្តេចតាមចិត្តបានហើយនឹងបង្ហាត់បង្រៀនឲ្យពួកចាស់ទុំនៃស្តេចមានប្រាជ្ញា
23. ឯអ៊ីស្រាអែលក៏ចូលមកក្នុងស្រុកអេស៊ីព្ទដែរគឺយ៉ាកុបបានស្នាក់នៅក្នុងស្រុករបស់ហាំ
24. ព្រះទ្រង់ក៏ចំរើនរាស្ត្រទ្រង់ឲ្យច្រើនឡើងក្រៃលែងព្រមទាំងឲ្យមានកំឡាំងលើសជាងពួកដែលតតាំងនឹងគេផង
25. ទ្រង់បានបំផ្លាស់បំប្រែចិត្តសាសន៍នោះឲ្យស្អប់ដល់រាស្ត្រទ្រង់វិញឲ្យគេបានប្រព្រឹត្តដោយកិច្ចកលចំពោះពួកបំរើទ្រង់
26. រួចទ្រង់ចាត់ប្រើម៉ូសេ ជាអ្នកបំរើទ្រង់និងអើរ៉ុន ដែលទ្រង់បានរើសយក
27. លោកទាំង២នោះក៏សំដែងទីសំគាល់របស់ទ្រង់នៅកណ្តាលសាសន៍នោះនិងការយ៉ាងអស្ចារ្យនៅក្នុងស្រុករបស់ហាំ
28. ទ្រង់ចាត់ប្រើសេចក្ដីងងឹតមកបណ្តាលឲ្យស្រុកងងឹតទៅលោកមិនបានទទឹងនឹងព្រះបន្ទូលរបស់ទ្រង់ទេ