1. ចូរផ្ញើចៀមពីក្រុងសិលាតាមផ្លូវវាលរហោស្ថានយកទៅថ្វាយព្រះមហាក្សត្រយូដាដែលគង់នៅភ្នំស៊ីយ៉ូន!
2. ស្ត្រីជនជាតិម៉ូអាប់នាំគ្នាឈរនៅត្រង់អើណូនជាកន្លែងទឹករាក់ដូចបក្សីដែលគេដេញចេញពីសំបុក។
3. ស្ត្រីទាំងនោះអង្វរជនជាតិយូដាថា៖«សូមជួយផ្ដល់គំនិតឲ្យយើងខ្ញុំសូមចាត់វិធានការជួយយើងខ្ញុំផង។ក្នុងពេលថ្ងៃពេញកម្ដៅនេះសូមធ្វើជាម្លប់ដល់យើងខ្ញុំដូចនៅពេលយប់ដែរសូមឲ្យជនភៀសខ្លួនរបស់យើងខ្ញុំជ្រកកោនជាមួយបងប្អូនសូមលាក់ពួកយើងខ្ញុំដែលរត់មកនេះផង។
4. សូមអនុញ្ញាតឲ្យជនភៀសខ្លួនសាសន៍ម៉ូអាប់ជ្រកកោនជាមួយបងប្អូនផង!សូមលាក់គេកុំឲ្យមេបំផ្លាញរកឃើញ!ពេលណាចប់ការសង្កត់សង្កិននិងការសម្លាប់រង្គាលពេលណាមេបំផ្លាញចាកចេញបាត់ពីស្រុក
5. ពេលនោះ ព្រះជាម្ចាស់នឹងប្រទានឲ្យព្រះរាជវង្សព្រះបាទដាវីឌឡើងគ្រងរាជ្យប្រកបដោយមេត្តាករុណា។ព្រះរាជានឹងគ្រប់គ្រងលើប្រជាជនដោយស្មោះស្ម័គ្រស្ដេចយកព្រះហឫទ័យទុកដាក់នឹងសេចក្ដីសុចរិតព្រមទាំងស្វែងរកយុត្តិធម៌ឲ្យប្រជាជន»។