12. Ang Dios nag-uban sa Juda aron maghiusa sila pagbuhat sa gisugo sa hari ug sa mga opisyal sumala sa gisulti sa Ginoo.
13. Unya daghan kaayong mga tawo ang nagtigom didto sa Jerusalem sa ikaduhang bulan aron paghimo sa Kasaulogan sa Pan nga Walay Patubo.
14. Gipanguha nila ang mga halaran nga diha sa Jerusalem ug ang tanang halaran nga gigamit sa pagsunog ug insenso ug gilabay didto sa Walog sa Kidron.
15. Giihaw nila ang nating karnero nga giandam alang sa Kasaulogan sa Pagsaylo sa ika-14 nga adlaw sa ikaduhang bulan. Naulawan ang mga pari ug mga Levita busa nagbalaan sila sa ilang kaugalingon ug nagdalag mga halad ngadto sa Templo aron sunogon.