Sa nahuman na ang kasaulogan, ang tanang taga-Israel nga mitambong nangadto sa mga siyudad sa Juda ug gigun-ob nila ang mga haliging bato ug gipanguha ang mga larawan nga gipasidungog sa diosa nga si Asera ug gibungkag ang mga halaran sa mga diosdios sa tibuok Juda, Benjamin, Efraim ug Manases hangtod nga naguba nila kining tanan. Unya mipauli ang tanang katawhan sa Israel ngadto sa ilang mga siyudad.