19. እንዲህም ብለው በእግዚአብሔር ላይ ተናገሩ፤“እግዚአብሔር በምድረ በዳ ማዕድ ማሰናዳት ይችላልን?
20. ዐለቱን ሲመታ፣ ውሃ ተንዶለዶለ፤ጅረቶችም ጐረፉ፤ታዲያ፣ እንጀራንም መስጠት ይችላል?ሥጋንስ ለሕዝቡ ሊያቀርብ ይችላል?”
21. እግዚአብሔር ይህን ሲሰማ፣ እጅግ ተቈጣ፤በያዕቆብም ላይ እሳት ነደደ፤ቍጣውም በእስራኤል ላይ ተነሣ፤
22. በእግዚአብሔር አላመኑምና፤በእርሱም ማዳን አልታመኑም።
23. እርሱ ግን ከላይ ደመናትን አዘዘ፤የሰማይንም ደጆች ከፈተ፤
24. ይበሉም ዘንድ መና አዘነበላቸው፤የሰማይንም መብል ሰጣቸው።
25. ሰዎች የመላእክትን እንጀራ በሉ፤ጠግበው እስከሚተርፍ ድረስ ምግብ ላከላቸው።
26. የምሥራቁን ነፋስ ከሰማይ አስነሣ፤የደቡብንም ነፋስ በኀይሉ አመጣ።
27. ሥጋን እንደ ዐፈር፣የሚበሩትን ወፎች እንደ ባሕር አሸዋ አዘነበላቸው፤
28. በሰፈራቸውም ውስጥ፣በድንኳናቸው ዙሪያ አወረደ።
29. እነርሱም እስኪጠግቡ ድረስ በሉ፤እጅግ የጐመጁትን ሰጥቶአቸዋልና።
30. ነገር ግን ገና ምኞታቸውን ሳያረኩ፣ምግቡ ገና በአፋቸው ውስጥ እያለ፣
31. የእግዚአብሔር ቊጣ በላያቸው ላይ መጣ፤ከመካከላቸውም ብርቱ ነን ባዮችን ገደለ፤የእስራኤልንም አበባ ወጣቶች ቀጠፈ።