33. Om twaalfuur het dit oor die hele land donker geword tot drie-uur daardie middag.
34. Dit was toe dat Jesus baie hard uitgeskreeu het: “Eloï, Eloï, lemá sabagtani?” As ’n mens dit vertaal, beteken dit: “My God, my God, hoekom het U My verlaat?”
35. Party van die omstanders het dit misverstaan en gedink Hy roep die profeet Elia.
36. Toe hardloop iemand, maak ’n spons vol suur wyn, sit dit op ’n riet en gee dit vir Hom om te drink. Hy sê toe: “Wag, kom ons kyk of Elia hom kom afhaal!”
37. Maar Jesus het hard uitgeroep en sy laaste asem uitgeblaas.
38. Daarna het die swaar gordyn in die tempel in twee geskeur, van bo tot onder.