28. Die nuus oor wat Jesus gedoen het, het dadelik deur die hele omgewing van Galilea versprei.
29. Nadat Jesus en sy dissipels uit die sinagoge gekom het, het hulle dadelik na die huis van Simon en Andreas gegaan. Jakobus en Johannes was ook by hulle.
30. Simon se skoonma was siek in die bed vanweë ’n hoë koors. Hulle het dadelik vir Jesus van haar vertel.
31. Hy het toe na haar bed toe gegaan, haar hand gevat en haar opgehelp. Die koors was weg en sy het vir hulle ’n ete voorberei.
32. Teen sononder daardie aand is baie siekes en mense wat onder die mag van bose geeste was, na Hom gebring.