20. Hierdie is die seuns van Se’ir, die Horiet, wat gebly het in die land: Lotan, Shoval, Tziv’on, `Anah,
21. Dishon, Etzer en Dishan. Hierdie is die stamhoofde van die Horiete, die seuns van Se’ir in die land Edom.
22. Die seuns van Lotan was Hori en Hemam en die suster van Lotan was Timnah.
23. Hierdie is die seuns van Shoval: `Alvan, Managat, `Eival, Sh’fo en Onam.
24. Hierdie is die seuns van Tziv’on: Ayah en `Anah. Dit is dié `Anah wat die warm fonteine in die wildernis gekry het toe hy sy vader Tziv’on se donkies opgepas het.
25. Hierdie is `Anah se seun: Dishon en Oholivamah was `Anah se dogter.
26. Hierdie is die seuns van Dishon: Hemdan, Eshban, Yitran en K’ran.
27. Hierdie is die seuns van Etzer: Bilhan, Za’avan en `Akan.
28. Hierdie is die seuns van Dishan: `Utz en Aran.
29. Hierdie is die stamhoofde van die Horiete: die stamhoof Lotan, die stamhoof Shoval, die stamhoof Tziv’on, die stamhoof `Anah,
30. die stamhoof Dishon, die stamhoof Etzer, die stamhoof Dishan. Dit is die stamhoofde van die Horiete volgens hulle stamme in die land Se’ir.
31. Hierdie is die konings wat regeer het in die land Edom voordat enige koning regeer het oor die seuns van Yisra’el:
32. Bela, die seun van B’or, het regeer in Edom en die naam van sy stad was Dinhavah.
33. Ná die dood van Bela het Yovav, die seun van Zerag, van Botzrah, in sy plek regeer.
34. Ná die dood van Yovav het Husham, uit die land van die Temani, in sy plek regeer.
35. Ná die dood van Husham het Hadad, die seun van B’dad, wat Midyan doodgeslaan het in die velde van Mo’av, in sy plek regeer en die naam van sy stad was `Avit.
36. Ná die dood van Hadad het Samlah van Masrekah in sy plek regeer.