14. maar jy moet die vleis van die bul, sy vel en sy mis buitekant die kamp met vuur verbrand. Dit is ’n sondoffer.
15. Jy moet een ram vat en Aharon en sy seuns moet hulle hande op die ram se kop lê;
16. dan moet jy die ram slag en sy bloed vat en dit rondom die altaar sprinkel.
17. Jy moet die ram in stukke sny, sy binnegoed en pote was en dit by die stukke en die kop sit.
18. Jy moet die hele ram op die altaar brand en in rook laat opgaan. Dit is ’n brandoffer tot יהוה; ’n aangename geur, ’n offer deur vuur aan יהוה.
19. Jy moet ook die ander ram vat en Aharon en sy seuns moet hulle hande op die ram se kop lê;