8. Toe Hiskia en sy amptenare na die bydraes kom kyk, het hulle die Here en vir Israel geprys.
9. Terwyl Hiskia die hope goed met die priesters en Leviete bespreek het,
10. het Asarja, die hoëpriester uit Sadok se familie, vir hom gesê: “Sedert hulle begin het om die bydraes na die tempel van die Here te bring, het ons nog altyd genoeg gehad om te eet. Daar het nog altyd ’n hoeveelheid oorgebly, want die Here was goed vir sy mense.”
11. Hiskia het beveel dat hulle stoorkamers by die tempel moes inrig.