14. Deur die Here se toedoen het Hadad teen Salomo in opstand gekom. Hadad was deel van die koningshuis in Edom.
15. Lank gelede, toe Dawid Edom oorwin het, het Joab, die hoof van sy leërmag, daarheen gegaan en al die mans doodgemaak en begrawe.
16. Joab en die hele Israel het ses maande lank ’n guerrilla-oorlog teen Edom gevoer en hulle weermag vernietig.
17. Hadad en ’n klompie van sy pa se werkers het egter daarin geslaag om na Egipte te ontsnap. Hadad was in daardie stadium nog maar ’n kind.
18. Hulle het deur Midian by Paran aangekom. Daar het ander mense ook by hulle aangesluit en hulle is saam daar weg. Toe hulle in Egipte aankom, is hulle reguit na die koning toe. Die koning het vir Hadad ’n stuk grond met ’n huis gegee en hom van kos voorsien.