4. Sy broers het gesien dat hulle pa meer lief is vir Josef as vir hulle. Daarom het hulle vir Josef gehaat. Hulle wou niks goed van hom sê nie, hulle het gewens dat dit sleg gaan met hom.
5. Josef het een nag gedroom en hy het vir sy broers vertel wat hy gedroom het. Toe het hulle hom nog meer gehaat.
6. Hy het vir hulle gesê: “Ek het gedroom
7. dat ons besig was om koring-gerwe vas te bind op die koringland. My gerf het regop gaan staan, en julle gerwe kom staan toe rondom my gerf en buig voor hom.”
8. Sy broers sê toe vir hom: “Dink jy regtig jy sal koning word en oor ons regeer?”Hulle het hom nog meer gehaat oor die droom waarvan hy hulle vertel het.
9. Josef het weer gedroom en hy het vir sy broers vertel wat hy gedroom het. Hy het gesê: “Ek het weer gedroom. Ek het gedroom dat die son en die maan en elf sterre voor my kom buig.”
10. Hy het vir sy pa en sy broers vertel wat hy gedroom het. Sy pa het toe met hom geraas en hy het vir Josef gesê: “Wat droom jy? Dit is nie reg dat ek en jou ma en jou broers voor jou moet kom buig nie.”
11. Sy broers was baie jaloers op hom, maar sy pa het baie oor die drome gedink.
12. Josef se broers het hulle pa se skape en bokke naby die stad Sigem gaan oppas.
13. Jakob het vir Josef gesê: “Jou broers pas die skape en bokke op in Sigem. Jy moet na hulle toe gaan.”Josef het gesê: “Goed, Pa, ek sal gaan.”
14. Toe sê Jakob vir Josef: “Gaan kyk of dit goed gaan met jou broers en of dit goed gaan met die skape en bokke. Gaan kyk en kom vertel alles vir my.”So het Jakob vir Josef uit die Hebron-vallei gestuur, en Josef het na Sigem gegaan.