2 Samuel 14:26-30 Bybel vir Almal (ABA)

26. Hy het elke jaar sy hare laat afskeer omdat dit te swaar geword het vir hom, en die hare wat hy elke maal afgeskeer het, het 200 sikkels geweeg op die koningsmaat.

27. Absalom het drie seuns en een dogter gehad. Die dogter se naam was Tamar, sy was ’n baie mooi vrou.

28. Absalom was twee jaar lank terug in Jerusalem, maar hy het nog nie die koning gesien nie.

29. Absalom het vir Joab laat weet dat hy vir Joab na die koning toe wil stuur, maar Joab wou nie na Absalom toe kom nie. Absalom het weer laat weet, maar Joab wou nie kom nie.

30. Absalom sê toe vir sy slawe: “Julle sien die land van Joab hier langs my grond. Joab het gars wat daarop groei, gaan steek dit aan die brand.”Die slawe van Absalom het toe die gars aan die brand gesteek.

2 Samuel 14