6. Hoe groot is u werke, o Here; baie diep is u gedagtes!
7. ’n Dom mens weet nie, en ’n dwaas verstaan dit nie:
8. as die goddelose mense groei soos die plante en al die werkers van ongeregtigheid bloei, is dit om hulle vir ewig te verdelg.
9. Maar U is hoog verhewe tot in ewigheid, Here!
10. Want kyk, u vyande, o Here, want kyk, u vyande sal vergaan; al die werkers van ongeregtigheid sal verstrooi word.
11. Maar U verhoog my horing soos van ’n buffel; ek is met vars olie gesalf.
12. En my oog sien met welgevalle neer op die wat my voorlê, my ore hoor van die wat teen my as kwaaddoeners opstaan.