1. EN ná hierdie gebeurtenisse, onder die regering van Artasásta, die koning van Persië, het Esra, die seun van Serája, die seun van Asárja, die seun van Hilkía,
2. die seun van Sallum, die seun van Sadok, die seun van Ahítub,
3. die seun van Amárja, die seun van Asárja, die seun van Mérajot,
4. die seun van Serágja, die seun van Ussi, die seun van Bukki,
5. die seun van Abisúa, die seun van Pínehas, die seun van Eleásar, die seun van Aäron, die hoëpriester,
6. het hierdie Esra opgetrek uit Babel; en hy was ’n skrifgeleerde, vaardig in die wet van Moses wat die Here, die God van Israel, gegee het; en die koning het, omdat die hand van die Here sy God oor hom was, al sy begeertes ingewillig.
7. Ook van die kinders van Israel en van die priesters en die Leviete en die sangers en die poortwagters en die tempelbediendes het na Jerusalem opgetrek in die sewende jaar van koning Artasásta.