14. Dawid was die jongste, terwyl die drie oudstes Saul gevolg het.
15. En Dawid het heen en weer gegaan van Saul om die kleinvee van sy vader in Betlehem op te pas.
16. En die Filistyn het smôrens vroeg en saans nader gekom en gaan staan, veertig dae lank.
17. Toe het Ísai aan sy seun Dawid gesê: Neem tog vir jou broers’n efa van hierdie gebraaide koring en hierdie tien brode, en bring dit gou vir jou broers na die laer toe.
18. Maar hierdie tien skywe kaas moet jy bring na die owerste oor duisend, en jy moet ondersoek doen na die welstand van jou broers en van hulle ’n pand saambring.
19. En Saul en hulle en al die manne van Israel was besig om te veg teen die Filistyne in die dal van die terpentynboom.