30. en van die seuns van Efraim, twintigduisend-agthonderd, dapper helde, manne van naam in hulle families;
31. en van die halwe stam van Manasse agttienduisend wat met hulle naam aangewys was om Dawid koning te gaan maak;
32. en van die seuns van Íssaskar, met kundige insig wat die tye betref, om te weet wat Israel moes doen; hulle hoofde was tweehonderd, en al hulle broers onder hulle bevel;
33. van Sébulon wat op kommando moet uittrek, toegerus vir oorlog met allerhande krygswapens, vyftigduisend aaneengesluit, en nie met ’n dubbele hart nie;
34. en van Náftali duisend owerstes, en saam met hulle sewen-en-dertigduisend met skild en spies;
35. en van die Daniete, toegerus vir oorlog, agt-en-twintigduisend-seshonderd;
36. en van Aser wat op kommando moet uittrek om hulle in slagorde op te stel, veertigduisend;
37. en van oorkant die Jordaan af, van die Rubeniete en die Gadiete en die halwe stam van Manasse, honderd-en-twintigduisend met allerhande wapens vir krygsdiens.