10. Awungithululanga njengobisi,wangijiyisa njengoshizi,* na?
11. Awungembathisanga isikhumba nenyama,wangiphica ngamathambo nangemisipha, na?
12. Ungenzele ukuphila nomusa;ukungihambela kwakho kulondile umoya wami.
13. Kepha ufihlile enhliziyweni yakho lokhu;ngiyazi ukuthi lokhu kukuwe kokuthi:
14. Uma ngona, uyangiqaphela;awuyikuthethelela ukona kwami.
15. Uma nginecala, maye kimi!Noma bengilungile,bengingayikuphakamisa ikhanda lami,lokhu ngisuthi ngehlazo,ngibona ukuhlupheka kwami.
16. Nokuba bengiziphakamisa,ubuyakungizingela njengengonyama,ubuye uzenze omangalisayo kimi.
17. Ubuyakuletha kimi ofakaziabasha, wandise intukuthelo yakhokimi, amabandla ngamabandlaangisukele.
18. “ ‘Ungikhipheleni esizalweni na?Ngangiyakugqibuka lingakangiboni iso,
19. ngibe njengokungathi ngingekho,ngiyiswe ethuneni ngisaphuma esiswini.
20. Imihla yami ayiyingcosana na?Makapheze, angiyeke ukuba ngithokoze kancane,
21. ngingakayi lapho ngingasayikubuya khona,izwe lobumnyama nelomthunzi wokufa,
22. izwe lobumnyama obunjengesigayegayenelomthunzi wokufa nelesiphithiphithi,lapho ukukhanya kunjengobumnyama.’ ”