7. Ngokuba bangenzele ngasesitha igebe lenetha labo, kungekho sici,bembele umphefumulo wami umgodi, kungekho cala.
8. Ukubhujiswa makumehlele engazelele;inetha lakhe alibeke ngasesitha malimbambe yena;makawele kulo kube ngukubhujiswa kwakhe.
9. Khona umphefumulo wami uzakwethaba kuJehova,uthokoze ngokusindisa kwakhe.
10. Onke amathambo ami azakuthi:“Jehova, ngubani onjengawe,wena okhulula ohluphekayo,yebo, ohluphekayo nompofu komphangayo, na?”
11. Ofakazi abangalungile bayasukuma,babuza kimi engingakwaziyo.
12. Bangiphindisela okubi ngokuhle;umphefumulo wami bawusozisele.
13. Kanti ekuguleni kwabo mina ngangembethe ezokuzila;umphefumulo wami ngawuhlupha ngokuzila ukudla;umkhuleko wami wabuyela esifubeni sami.
14. Ngahamba kungathi bekungumngane wami nomfowethu;njengokhalela unina ngakhothama ngokulila.
15. Kepha ekuweni kwami bahlekisa ngami, babuthana ndawonye;abashayi engingabaziyo bangibunganyela;badumaza bengayeki.