21. Idajọ si ti de sori ilẹ pẹtẹlẹ; sori Holoni, ati sori Jahasi, ati sori Mefaati,
22. Ati sori Diboni, ati sori Nebo, ati sori Bet-diblataimu.
23. Ati sori Kiriataimu, ati sori Bet-Gamuli, ati sori Bet-Meoni,
24. Ati sori Kerioti, ati sori Bosra, ati sori gbogbo ilu ilẹ Moabu, lokere ati nitosi.
25. A ke iwo Moabu kuro, a si ṣẹ́ apá rẹ̀, li Oluwa wi.
26. Ẹ mu u yo bi ọmuti: nitori o gberaga si Oluwa: Moabu yio si ma pàfọ ninu ẽbi rẹ̀; on pẹlu yio si di ẹni-ẹ̀gan.
27. Kò ha ri bẹ̃ pe: Israeli jẹ ẹni ẹlẹyà fun ọ bi? bi ẹnipe a ri i lãrin awọn ole? nitori ni igbakũgba ti iwọ ba nsọ̀rọ rẹ̀, iwọ a ma mì ori rẹ.