5. Mhanahanisindini, wukhuphe kuqala umqadi lowo esweni lakho, wandule ukubona kakuhle ukusikhupha isibi esisesweni lomzalwana wakho.
6. Musani ukukunika izinja okungcwele, kanjalo ningaziphosi iiperile* zenu phambi kweehagu, hleze zizinyathele ngamanqina azo, zijike ziniqwenge.
7. Celani, nophiwa; funani, nofumana; nkqonkqozani, novulelwa;
8. kuba wonke umntu ocelayo uyazuza, nalowo ufunayo uyafumana, nalowo unkqonkqozayo uya kuvulelwa.
9. Nguwuphi na umntu kuni ongáthi, ukuba unyana wakhe uthe wacela isonka, amnike ilitye?
10. Athi, ukuba uthe wacela intlanzi, amnike inyoka?