46. Zisakhamisele umlomo wazo zonke iintshaba zethu.
47. Kokwethu ukunkwantya, nomgongxo, nesibatha, nokutshabalala, nokwaphuka.
48. Iliso lam lihla imijelo yamanzi, ngenxa yokwaphuka kwentombi yabantu bakowethu.
49. Iliso lam liyatyityizela, aliyeki, alinqamki,
50. Ade aqondele abone uYehova, esemazulwini.
51. Iliso lam liyawubulala umphefumlo wam, ngenxa yeentombi zonke zomzi wakowethu.
52. Zindizingele zandizingela njengentaka iintshaba zam ngelizé.
53. Zibubhangisile ubomi bam ngokundeyelisela emhadini, zandigibisela ngamatye.