10. Besingandikhaphayo kwanalapho isandla sakho,Sindibambe isandla sakho sokunene.
11. Ukuba ndithe, Mabundisongele ubumnyama bona bodwa,Nokukhanya kube bubusuku ngeenxa zonke kum:
12. Kwanobumnyama obo abungebi bubumnyama kuwe;Ubusuku bungába mhlophe njengemini,Ubumnyama bungába njengokukhanya
13. Ngokuba wena wazibumba izintso zam,Wandibiyela esizalweni sikama.
14. Ndiyabulela kuwe ngenxa enokuba ndenziwe ngokoyikekayo, ngokubalulekileyo;Zibalulekile izenzo zakho,Umphefumlo wam úyazi kakuhle.
15. Ayengàgushekile kuwe amathambo am,Mna ndenzelwáyo entsithelweni,Ndalukwa ndayimfakamfele ezinzulwini zomhlaba.
16. Amehlo akho andibona ndiseyimbumba,Zazibhalwe encwadini yakho iimini zonke ziphela;Ziyiliwe ngenxa engaphambili,Kungekabikho ke nanye kuzo.
17. Kum ke zinjani na ukunqaba izicamango zakho, Thixo!Àsinganganí isimbuku sazo!
18. Zingáthi, ndizibalile, zibe ninzi ngaphezu kwentlabathi;Ndakuvuka ndoba ndisenawe.
19. Ngamana wambulala ongendawo, Thixo!Nina madoda amagazi, sukani kum.