13. itafile, inemiqobo namasolotya ayo, kunye nesonka esingumnikelo kuThixo;
14. isibane nobuxhaka-xhaka baso, neoyile;
15. iqonga lesiqhumiso nemiqobo yokuliphatha, amafutha okuthambisa, isiqhumiso esivumba limnandi, umkhusane wesango lesibingelelo;
16. iqonga lamadini linxityelelwe isisefu esenziwe ngobhedu, imiqobo yalo nako konke okwalo; isitya sokuhlambela nesiseko saso;
17. umkhusane wenkundla neentsika neziseko zayo; umkhusane wesango lenkundla;
18. izikhonkwane neentsontela zomphakathi ngokunjalo nenkundla;
19. kunye nezo zivatho zingayiwayo zinxitywa ngababingeleli xa bebusa kwigumbi elingcwele, ngokunjalo nezivatho ezizodwa zika-Aron kunye noonyana bakhe.”
20. Ke kaloku lonke ibandla lamaSirayeli lamshiya uMosis,
21. waza uwonke-wonke kulo owayeziva elangazelela ukunikela *kuNdikhoyo khon' ukuze kwakhiwe *isibingelelo, weza ephethe umnikelo. Beza nayo yonke into eyayiyimfuneko kwezonqulo nasekwenzeni izivatho zababingeleli.
22. Amadoda nabafazi ababeziva belangazelela ukunikela beza nezipeliti zokuhombisa, amacici, imisesane, amaso, nazo zonke iintlobo-ntlobo zobunewu-newu begolide, bazenza umnikelo owodwa kuNdikhoyo.