1. اَے خُداوند! اَے اِنتقام لینے والے خُدا!اَے اِنتقام لینے والے خُدا! جلوہ گر ہو۔
2. اَے جہان کا اِنصاف کرنے والے! اُٹھ۔مغرُوروں کو بدلہ دے۔
3. اَے خُداوند! شرِیر کب تک۔شرِیر کب تک شادیانہ بجایا کریں گے؟
4. وہ بکواس کرتے اور بڑا بول بولتے ہیں۔سب بدکردار لاف زنی کرتے ہیں۔
5. اَے خُداوند! وہ تیرے لوگوں کو پِیسے ڈالتے ہیںاور تیری مِیراث کو دُکھ دیتے ہیں۔
6. وہ بیوہ اور پردیسی کو قتل کرتےاور یتِیم کو مار ڈالتے ہیں
7. اور کہتے ہیں کہ خُداوند نہیں دیکھے گااور یعقُوب کا خُدا خیال نہیں کرے گا۔
8. اَے قَوم کے حَیوانو! ذرا خیال کرو!اَے احمقو! تُمہیں کب عقل آئے گی؟
9. جِس نے کان دِیا کیا وہ خُود نہیں سُنتا؟جِس نے آنکھ بنائی کیا وہ دیکھ نہیں سکتا ؟
10. کیا وہ جو قَوموں کو تنبِیہ کرتا ہےاور اِنسان کو دانِش سِکھاتا ہے سزا نہ دے گا؟
11. خُداوند اِنسان کے خیالوں کو جانتا ہےکہ وہ باطِل ہیں۔