8. اور سُؤر تُمہارے لِئے اِس سبب سے ناپاک ہے کہ اُس کے پاؤں تو چِرے ہُوئے ہیں پر وہ جُگالی نہیں کرتا ۔ تُم نہ تو اُن کا گوشت کھانا اور نہ اُن کی لاش کو ہاتھ لگانا۔
9. آبی جانوروں میں سے تُم اُن ہی کو کھانا جِن کے پر اور چِھلکے ہوں۔
10. لیکن جِس کے پر اور چِھلکے نہ ہوں تُم اُسے مت کھانا ۔ وہ تُمہارے لِئے ناپاک ہے۔
11. پاک پرِندوں میں سے تُم جِسے چاہو کھا سکتے ہو۔
12. لیکن اِن میں سے تُم کِسی کو نہ کھانا یعنی عُقاب اور اُستخوان خوار اور بحری عُقاب۔
13. اور چِیل اور باز اور گِدھ اور اُن کی اِقسام۔
14. ہر قِسم کا کوّا۔
15. اور شُتر مُرغ اور چُغد اور کوکل اور قِسم قِسم کے شاہِین۔
16. اور بُوم اور اُلُّو اور قاز۔
17. اور حواصِل اور رخم اور ہڑگیلا۔
18. اور لقلق اور ہر قِسم کا بگلا اور ہُدہُد اور چمگادڑ۔