44. اِس پر بھی جب وہ اپنے دُشمنوں کے مُلک میں ہوں گے تو مَیں اُن کو اَیسا ترک نہیں کرُوں گا اور نہ مُجھے اُن سے اَیسی نفرت ہو گی کہ مَیں اُن کو بِالکُل فنا کر دُوں اور میرا جو عہد اُن کے ساتھ ہے اُسے توڑ دُوں کیونکہ مَیں خُداوند اُن کا خُدا ہُوں۔
45. بلکہ مَیں اُن کی خاطِر اُن کے باپ دادا کے عہد کو یاد کرُوں گا جِن کو مَیں غَیر قَوموں کی آنکھوں کے سامنے مُلکِ مِصر سے نِکال کر لایا تاکہ مَیں اُن کا خُدا ٹھہروں ۔ مَیں خُداوند ہوں۔
46. یہ وہ شرِیعت اور احکام اور قوانِین ہیں جو خُداوند نے کوہِ سِینا پر اپنے اور بنی اِسرائیل کے درمِیان مُوسیٰ کی معرفت مُقرّر کِئے۔