29. Sumagot si Moises, “Pag-alis ko po rito'y ipapanalangin ko kay Yahweh na alisin sa inyo ang mga langaw, gayon din sa inyong mga tauhan at nasasakupan. Ngunit huwag na ninyo kaming dadayain; huwag ninyo kaming hahadlangan sa paghahandog namin kay Yahweh.”
30. Umalis si Moises at nanalangin.
31. Tinugon naman siya ni Yahweh, at umalis nga ang mga langaw; walang natira ni isa man.
32. Ngunit nagmatigas pa rin ang Faraon; hindi niya pinayagang umalis ang mga Israelita.