1. Mula sa lahi ni Jacob lumitaw si Moises, ulirang lalaking kinalugdan ng lahat.Minahal ng Diyos at ng mga tao,at nag-iwan ng isang banal na alaala.
2. Ipinantay siya ng Diyos sa kanyang mga anghel,at binigyan ng kapangyarihang kinasindakan ng kanyang mga kaaway.
3. Doon sa Egipto, sa isang salita niya'y dumating ang pagkawasak,at dinakila siya sa harapan ng mga hari.Ibinigay sa kanya ng Panginoon ang Kautusan para sa kanyang bayan,at pinakitaan siya ng kanyang kaluwalhatian.