14. Matagal nang nalibing ang kanilang mga bangkay,subalit mananatili pa ring buháy ang kanilang alaala.
15. Matatanyag sa mga bansa ang kanilang karunungan,at patuloy silang pararangalan ng buong sambayanan.
16. Namuhay si Enoc ayon sa kalooban ng Panginoon, at siya'y buháy na dinala ng Diyos sa langit,upang maging halimbawa ng pagsisisi sa susunod na mga salinlahi.
17. Si Noe ay natagpuang matuwid at tapat,kaya't naligtas siya sa galit ng Panginoon.At dahil sa kanya'y may natirang tao sa lupa,nang gunawin ang daigdig sa pamamagitan ng baha.
18. Nakipagtipan sa kanya ang Panginoon,na hindi na niya lilipulin uli ang tao sa pamamagitan ng baha.
19. Si Abraham naman ang naging ama ng maraming bansa,at walang maipapantay sa kanyang karangalan.
20. Sinunod niya ang utos ng Kataas-taasang Diyos,at nakipagtipan siya sa Panginoon.Dinala niya sa katawan ang tanda ng kanilang kasunduan,at natagpuang tapat sa oras ng pagsubok.
21. Kaya't ipinangako sa kanya ng Panginoonna pagpapalain ang mga bansa sa pamamagitan ng kanyang lahi;ang mga salinlahi niya'y daraming parang alabok,at magniningning na parang mga bituin.Ibibigay niya sa kanila bilang pamana ang isang lupaing ang mga hangganan ay dagat,at mula sa ilog hanggang sa dulo ng daigdig.
22. Gayundin ang ipinangako niya kay Isaac,alang-alang kay Abraham,na pagpapalain sa pamamagitan niya ang sangkatauhan.
23. Isinalin niya kay Jacob ang kanyang pakikipagkasundo,at pinagtibay ang ipinangakong pagpapala.Ibinigay niya rito ang lupaing kanyang ipinangako,at pinaghati-hati sa labindalawang lipi.